O día 15 de xaneiro Amiltom e Simião visitaron o Colexio Monte das Moas, onde as profesoras Mar e Ana foron as encargadas da visita, onde expuxeron información sobre a situación do ensino en Mozambique e sobre a ESIL. Visitaron as aulas de portugués de 2º de ESO e a de 1º de bacharelato para contarlles unha xornada na ESIL e os proxectos que compartimos co colexio coruñés Santa María do Mar, como se pode ver nas imaxes de abaixo. Queda pendente para desenvolver algunha actuación entre os dous colexios na área de portugués.

Despois do paréntesis que supuxo a pandemia do 13 de xaneiro ao 11 de febreiro Simião Francisco João, profesor de Educación Visual e Xeometría Descritiva, e xefe de estudos da ESIL, e Amilton Bito, profesor de Lingua Portuguesa e delegado da materia visitaran distintas escolas e universidades de Galicia e Portugal, dentro do programa de intercambio e formación de profesores coa ESIL.

Os obxectivos da visita de intercambio foron os seguintes:

– Mellorar o coñecemento mutuo entre as dúas institucións en canto aos métodos de ensino e máis alá.

– Intercambiar coñecementos e experiencias en diferentes ámbitos (organización, produción, comercialización, formación, participación na construción de políticas públicas, incidencia política, etc.) entre o Colexio Santa Maria del Mar e outros centros educativos.

– Establecer estratexias comúns de acción e loita para mellorar a calidade do ensino na ESIL.

– Contar cunha base de coñecementos tanto sobre as políticas docentes, económicas e sociais, como sobre os dereitos do profesorado e do alumnado, así como sobre os seus deberes, mediante a difusión e multiplicación destes coñecementos entre a maioría dos que imparten docencia na ESIL e quizais noutras escolas e universidades.